Ölkəmizdə pomidor əkini üzrə Xaçmaz rayonu birinci (2000 ha), Quba isə ikinci (1000 ha) yerdədir. Artıq Aqrar Sığorta Fondu bu sahələrin sığortalanması dövrünə başlayıb. Bu barədə ShimalNews 22 aprel tarixində məlumat verir.
Pomidor sərfəli, gəlirli bitki olsa da, dolu, qasırğa, fırtına, sel-subasma və digər çoxsaylı risklərə qarşı həssasdır. Hazırda hesablanmış sığorta haqqının 50%-i dövlət tərəfindən ödənilir. Bu məbləğ Quba-Xaçmazda 11.8 manat təşkil edir (1000 manatlıq əkin üçün).
Aqrar sığorta qaydalarına əsasən, əkin sahələrinin sığortası mövsümidir və müəyyən vaxt ərzində həyata keçirilməlidir. Bu baxımdan pomidor əkinlərinin sığortası dövrü may ayının ortalarına qədər davam edəcək. Fermerlər əkinlərin yerləşdiyi regiondan asılı olaraq, həmin tarixlərədək pomidor əkinlərini sığortalaya, bu sahədəki məhsul və gəlirlərini risklərdən qoruya bilərlər.
