Xaçmaz Rayon İcra Hakimiyyətinin başçısı Elnur Rzayev tərəfindən səyyar qəbul keçirilib. Bu barədə ShimalNews 10 yanvar tarixində RİH-yə istinadən məlumat verir.
Görüş Müzəffəroba kəndində təşkil edilib. Burada Köhnə Xaçmaz İnzibati Ərazi Dairəsi üzrə nümayəndəliyə daxil olan Müzəffəroba,Müşkür, Müşfiq, Xaspoladoba, Əzizli, Gəncəli, Bəbəli və Köhnə Xaçmaz kəndlərinin sakinləri iştirak ediblər. Onlar elektrik təsərrüfatının yenilənməsi, qaz təchizatının bərpası, əlavə subartezian quyusunun qazılması və kəndlərarası yolun təmiri ilə bağlı müraciətlər səsləndiriblər.
Həmin məsələlərin həlli məqsədilə aidiyyəti şəxslərə tapşırıqlar verilib.
