Xaçmaz Tarix-Diyarşünaslıq muzeyində "Azadlığa gedən yol" adlı tədbir keçirilib. Bu haqda ShimalNews 20 yanvar tarixində məlumat verir.
Ümumxalq Hüzn Gününə həsr olunmuş tədbirdə azərbaycanlıların Ermənistandakı tarixi torpaqlarından növbəti kütləvi deportasiyasının Dağlıq Qarabağın Ermənistana birləşdirilməsi cəhdlərinin geniş vüsət aldığı 1987-ci ildən başlanılmasından danışılıb. 1990-cı il yanvarın 19-dan 20-nə keçən gecə sovet ordusunun xüsusi təyinatlı dəstələrinin və daxili qoşunların qanunsuz yeridilməsi nəticəsində Bakıda və ətraf rayonlarda 131 nəfər öldürülüb, 744 nəfər yaralanıb.
Tədbirdə şagirdlərin ifasında faciə qurbanlarına, Vətənə həsr olunmuş şeirlər səslənib. Mövzu ilə bağlı videoçarxlar nümayiş olunub.
