Xaçmaz Rayon Məhkəməsində külli miqdarda vergiləri ödəməkdən yayınmaqda ittiham edilən sahibkarın məhkəməsi baş tutub. Bu haqda ShimalNews 29 may tarixində “E-huquq.az”a istinadən məlumat verir.
Məhkəmə Etibar Əliverdiyevin cinayət işi üzrə geniş araşdırma və 3 ekspertiza təyin edib. Məlum olub ki, təqsirləndirilən şəxsin vergidənyayınma əməli 200.000 manatdan aşağı məbləğdə olub. Qanunvericiliyə görə, bu, cinayət tərkibi yaratmır və E.Əliyev barəsində bəraət hökmü çıxarılıb.
Bundan öncə sahibkarlıq fəaliyyəti ilə məşğul olan həmin şəxs 292.000 manat məbləğində vəsaiti vergidən yayındırmaqda ittiham edilmişdir. Ona qarşı Cinayət Məcəlləsinin 231.2.2-ci maddəsi ilə cinayət işi açılmışdır.
