Azərbaycan paralimpiyaçısı, cüdoçusu, ikiqat Paralimpiya Oyunları çempionu, ikiqat dünya çempionu və səkkizqat Avropa çempionu, 2015 Avropa Oyunları çempionu, Azərbaycanın Əməkdar İdman Ustası, Əməkdar məşqçi, 7-ci dan sahibi, 2008, 2012 və 2016 Yay Paralimpiya Oyunlarında Azərbaycanın bayraqdarı, "Şöhrət" ordeni (2 dəfə) və "Tərəqqi" medalı ilə təltif edilmiş Qarabağ müharibəsi qazisi İlham Zəkiyev ilə görüş keçirilib. Bu barədə ShimalNews 28 may tarixində məlumat verir.
Tədbir Xaçmaz şəhər 9 nömrəli tam orta məktəbdə Quba-Xaçmaz Regional Gənclər və İdman İdarəsinin və Quba-Xaçmaz Regional Təhsil İdarəsinin birgə təşkilatçılığı ilə baş tutub.
Qonağımız böyük coşqu və məhəbbətlə qarşılanmışdır. İlham Zəkiyev üzərində çempionun şəkli olan köynəkləri geymiş bir neçə ibtidai sinifdə olmuş, onlarla xatirə şəkli çəkdirmişdir. Şagirdlər vətənpərvərlik mövzusunda şeirlər söyləmiş, mahnılar və rəqslər ifa ediblər.
Çempionumuz şagirdlərə yaxşı oxumağı tövsiyə edib. İdmanla məşğul olmaqla yanaşı, təhsildə müvəffəqiyyət qazanmağın vacibliyini vurğulayıb.
