Xaçmazda modul tipli məktəblər inşa edilir. Bu haqda 17 aprel tarixində ShimalNews Xaçmaz Rayon İcra Hakimiyyətinə istinadən məlumat verir.
Prezident İlham Əliyevin müvafiq Sərəncamı ilə Xaçmaz rayonunun Mollabürhanlı və Şıxlar kəndlərində yeni məktəblərin tikintisinə başlanılıb. Mollabürhanlı kəndində inşa olunan təhsil ocağı 96, Şıxlar kəndində isə 40 şagird yerlik olacaq.
İcra başçısı Elnur Rzayev ərazilərdə olaraq, məktəblərdə aparılan işlərin gedişi ilə maraqlanıb. Adıçəkilən təhsil müəssisələrinin növbəti tədris ilindən istifadəyə verilməsi planlaşdırılır.
Xaçmaz rayonunun müxtəlif kəndlərində 23 modul tipli məktəb inşa olunub.
[caption id="attachment_39922" align="alignnone" width="640"]
Foto Xaçmaz Rayon İcra Hakimiyyəti[/caption]
