Amerika Kardioloqlar Cəmiyyətinin fəxri üzvü, əslən Xaçmazdan olan Səbzəli Cavadov dünyasını dəyişib. Bu barədə ShimalNews 8 iyun tarixində məlumat verir.
Mərhum tibbi biokimyaçı və fizioloq, tibb elmləri doktoru olub. O, bir neçə gün əvvəl 64 yaşında Mayamidə qəflətən vəfat edib.
Səbzəli Cavadov təhsilinə Xaçmaz rayonu Qaradağlı kənd orta məktəbində başlayıb. Sonra Bakıda, Moskvada ali tibb universitetlərində təhsil alıb.
Səbzəli Cavadov 1993-2003-cü illərdə Azərbaycan Respublikasının Prezidenti yanında Ali Attestasiya Komissiyasının sədr müavini vəzifəsində çalışmış və Komissiyanın Rəyasət Heyətinin üzvü olmuşdur.
1997-2001-ci illərdə ardıcıl olaraq, S.Cavadov dörd dəfə Böyük Britaniya Kral cəmiyyətinin elmi qrantına layiq görülmüş və bu ölkənin Oksford və Bristol Universitetlərində işləmişdir.
