Xaçmazdan olan dərzi qadın paltar kolleksiyasını ərsəyə gətirib. Bu barədə ShimalNews 13 iyun tarixində məlumat verir.
Qadın Resurs mərkəzlərinin ən istedadlı dərzi üzvləri və moda eksperti Nəzrin Ağarzayevanın birgə yaratdığı kolleksiyanın təqdimatı baş tutub. Xaçmazla yanaşı, burada Masallı, Zaqatala, Biləsuvar və Sabirabaddan olan ümumilikdə 13 dərzi qadın fəaliyyətlərində ilk dəfə olaraq, paltar kolleksiyası təqdim edib.
Geyimlər Qadın Resurs mərkəzlərinin ən fəal üzvlərinin 6 aylıq "Hekayəni dəyiş" mentorluq proqramının nəticəsidir. Məqsəd dərzi qadınlara öz kolleksiyalarını sıfırdan yaratmağı öyrətmək və onlarla birgə ilk bu cür kolleksiyanı yaratmaq, eləcə də gələcəkdə öz brendlərini qurmaları üçün onları yönəltməkdir.
