Bu gün jurnalist Cəmil Məmmədlinin cinayət işi üzrə keçirilməli olan məhkəmə prosesi təxirə salınıb. Bu haqda ShimalNews 7 mart tarixində məlumat verir.
Sumqayıt Ağır Cinayətlər Məhkəməsində hakim Fəhmin Hümbətovun sədrliyi ilə keçirilməli olan iclasın təxirə salınması ittiham olunanın prosesdə iştirakının mümkün olmaması ilə bağlıdır. Səbəb isə konvoy çatışmazlığı göstərilib.
Jurnalistin məhkəməyə gətirilməsi mümkün olmadığına görə hakim prosesin onlayn keçirilməsini təklif edib. Lakin qarşı tərəf bununla razılaşmayıb.
Daha öncə prokurorun irəli sürülmüş ittihamların sübuta yetirildiyini qeyd edərək, 8 il 3 ay müddətinə azadlıqdan məhrum edilmə tələbini irəli sürdüyü haqqında xəbər vermişdik.
