Yay mövsümünə hazırlıqla əlaqədar olaraq, Xaçmaz rayonu ərazisində yerləşən çimərliklərdə monitorinq keçirilib. Bu haqda 12 iyun tarixində ShimalNews Səhiyyə Nazirliyinə istinadən məlumat verir.
Yalama, Nabran, İstisu, Seyidli kənd çimərliklərinin qumsallıqlarında rekreasiya əhəmiyyətli monitorinqlər keçirilib. Laborator təhlillərə əsasən, dənizin tullantı çirkab suları ilə intensiv çirklənmə hallarının hələ də davam etdiyi və dəniz suyunda bakterioloji çirklənmə göstəricilərinin normativlərin tələblərinə cavab vermədiyi müəyyən edilib.
Cari ilin çimərlik mövsümündə şimal bölgəsinin çimərliklərindən istifadənin müvəqqəti olaraq tövsiyə olunmaması barədə qərar qəbul edilib.
