Əmlak Məsələləri Dövlət Xidmətinin (ƏMDX) Xaçmaz ərazi şöbələrinin müdiri barəsində cinayət işinin istintaqı yekunlaşıb. Bu haqda 17 aprel tarixində ShimalNews Baş Prokurorluğun Mətbuat Xidmətinə istinadən məlumat verir.
İstintaqla ƏMDX-nin Torpaqların dövlət idarəetməsinin təşkili və geodeziya şöbəsinin sektor müdiri İldırım Məmmədovun həmin xidmətin vəzifəli şəxsləri, digər şəxslərlə qabaqcadan əlbir olaraq bələdiyyə mülkiyyətində olan torpaq sahələrinin mülkiyyətə, istifadəyə, icarəyə verilməsinə dair müsbət rəyin verilməsi məqsədilə 169 halda rüşvət almaları, vəzifə səlahiyyətlərindən sui-istifadə etmələri, eləcə də bir sıra hallarda vəzifəli şəxsin qərarına qanunsuz təsir göstərmələrinə əsaslı şübhələr müəyyən edilib.
Xaçmaz ərazi şöbələrinin müdiri Aydın Cəfərov və daha 18 nəfər barəsində Cinayət Məcəlləsinin bir neçə maddəsi ilə cinayət işi açılıb və baxılması üçün Bakı Ağır Cinayətlər Məhkəməsinə göndərilib.
