56 yaşlı Müşkür kənd sakini Qərib Rzayevi öldürən şəxsin cinayət işi üzrə istintaq tamamlanıb. Bu haqda ShimalNews 1 dekabr tarixində prokurorluğa istinadən məlumat verir.
Hadisə cari ilin 15 sentyabr tarixində Gəndob-Xaçmaz-Yalama avtomobil yolunun Köhnə Xaçmaz kəndi ərazisində qeydə alınıb. 27 yaşlı Yalçın Hüseynovun yerdən götürdüyü daşla Qəribin baş nahiyəsinə zərbələr vuraraq qəsdən öldürməsinə əsaslı şübhələr müəyyən edilib.
Y.Hüseynova Cinayət Məcəlləsinin 120.2.2 (xuliqanlıq niyyəti ilə qəsdən adam öldürmə) maddəsilə yekun ittiham elan edilməklə barəsində həbs qətimkan tədbiri seçilib və cinayət işi baxılması üçün Sumqayıt Ağır Cinayətlər Məhkəməsinə göndərilib.
Daha öncə kafe yaxınlığında naməlum şəxsin cəsədinin aşkarlanması haqqında xəbər vermişdik.
