Xaçmazda Palçıqoba kəndində inşa edilən ikimərtəbəli məktəb binasında son tamamlama işləri görülür. Bu haqda ShimalNews 16 may tarixində “Azərtac”a istinadən məlumat verir.
Üç korpusdan ibarət yeni məktəb binasında son tamamlama və tərtibat işləri aparılır, məktəbin həyəti abadlaşdırılır. Müasir məktəb binasında sinif otaqları, laboratoriya, gənclərin çağırışaqədərki hazırlığı, əmək təlimi və kompüter otaqları, idman və akt zalı, kitabxana və yeməkxana olacaq.
360 şagird yerlik məktəbin növbəti tədris ilində istifadəyə verilməsi nəzərdə tutulub.
Təhsil oçağı 2020-ci ilin iyul ayında yanıb. Yeni binanın tikintisinə 2023-cü ilin mart ayından başlanılıb.
