Xaçmazda jurnalistika ixtisasına qəbul imtahanı keçiriləcək. Bu barədə 17 avqust tarixində Dövlət İmtahan Mərkəzi (DİM) məlumat verib.
Jurnalistika ixtisasına qəbul olmaq üçün 760 abituriyent qeydiyyatdan keçib. Onlar avqustun 19-da növbəti mərhələdə iştirak edəcəklər. DİM-in Xaçmaz regional bölməsi tərəfindən təşkil olunacaq qabiliyyət imtahanının məkanı “buraxılış vərəqəsi”ndə qeyd olunacaq.
2 saat 30 dəqiqə davam edəcək imtahana buraxılış saat 09:45-də başa çatacaq və 10:00-da start veriləcək.
