Milli Məclisin Qubadan seçilmiş deputatı Vahid Əhmədov hazırkı hava şəraitinin ciddi çətinlik yaratmadığını söyləyib. Bu haqda ShimalNews 24 yanvar tarixində "Modern.az"a istinadən məlumat verir.
"Elə kəndlər vardı ki, 1 metrə qədər qar yığırdı. Bu kəndlərin də əksəriyyəti mənim dairəmə düşür. Ən ucqar kəndlər məndədir. Əlbəttə,yolla əlaqədar elə ciddi problem yoxdur. İcra hakimiyyəti tərəfindən işlər görülür. Mütəmadi əlaqələrim var. Əhalidən elə ciddi narahatlığın olduğu ilə bağlı şikayət almamışam. Lakin ola bilər ki, hansısa yolda müəyyən problemlər olsun. Amma ciddi problemin olduğunu mən hiss etməmişəm. Çünki mənim də, köməkçilərimin də gündəlik olaraq Quba ilə əlaqələri olur", - deyə millət vəkili bildirib.
