Azərbaycan Respublikası Qida Təhlükəsizliyi Agentliyi ümumi təhsil müəssisələrində yoxlama həyata keçirib. Bu barədə ShimalNews 13 aprel tarixində adıçəkilən quruma istinadən məlumat verir.
Təhsil ocaqlarında qidalanmanın təşkili səviyyəsi araşdırılıb. Monitorinq çərçivəsində qida təhlükəsizliyi qeydiyyatına alınması, qida blokunun işçi heyətinin ilkin və dövri-tibbi müayinədən keçməsi, qida bloklarında yeyinti məhsullarının tədarükü, saxlanılması, etiketlənmə və qablaşdırılmasına dair tələblərə əməl olunması, minimum keyfiyyət və təhlükəsizlik göstəriciləri və onları təsdiq edən müşayiətedici sənədlər, qida bloklarının sanitar-texniki və sanitar-gigiyenik normalara uyğunluğu araşdırılıb və müvafiq aktlar tərtib edilib.
Yoxlama həyata keçirilmiş müəssisələrin siyahısı:
- Xaçmaz şəhəri Akademik Z.Əliyeva adına 8 nömrəli məktəb-lisey - Nöqsan aşkar edilib. İnzibati məsuliyyət tədbiri görülməyib;
- Xaçmaz şəhəri C.Cabbarlı adına 6 nömrəli tam orta məktəb - Nöqsan aşkar edilib. İnzibati məsuliyyət tədbiri görülməyib;
- İsmayıllı rayonu 1 nömrəli tam orta məktəb - Nöqsan aşkar edilib. İnzibati cərimə tətbiq edilib;
- İsmayıllı rayonu İvanovka kənd tam orta məktəb - Nöqsan aşkar edilib. İnzibati cərimə tətbiq edilib;
- İsmayıllı rayonu E.Bayramov adına Talıstan kənd tam orta məktəb - Nöqsan aşkar edilib. İnzibati cərimə tətbiq edilib;
- Quba rayonu Valideyn himayəsindən məhrum olmuş uşaqlar üçün tam orta internat məktəbi - Nöqsan aşkar edilib. İnzibati cərimə tətbiq edilib;
- Quba rayonu Xınalıq kənd tam orta internat məktəbi - Nöqsan aşkar edilib. İnzibati cərimə tətbiq edilib;
- Quba rayonu Fizika, Riyaziyyat və İnformatika Təmayüllü Respublika Liseyi - Nöqsan aşkar edilib. İnzibati məsuliyyət tədbiri görülməyib;
- Quba rayonu A.Məmmədov adına 2 nömrəli təbiət fənlər təmayüllü məktəblisey - Nöqsan aşkar edilib. İnzibati məsuliyyət tədbiri görülməyib;
- Qusar rayonu Çiləgir tam orta məktəb - Nöqsan aşkar edilib. İnzibati məsuliyyət tədbiri görülməyib;
- Qusar rayonu 2 nömrəli tam orta məktəb - Nöqsan aşkar edilib. İnzibati məsuliyyət tədbiri görülməyib;
- Qusar rayonu 6 nömrəli tam orta məktəb - Nöqsan aşkar edilib. İnzibati cərimə tətbiq edilib.
