Quba-Xaçmaz Regional Təhsil İdarəsinin (RTİ) tabeliyində fəaliyyət göstərən təhsil müəssisələrində vakant yerlər elan olunub. Bu barədə ShimalNews 28 may tarixində məlumat verir.
Açıq olan iş yerlərinə - təsərrüfat işləri üzrə direktor müavini, təsərrüfat müdiri, psixoloq, kitabxana müdiri, kitabxanaçı, uşaq birliyi təşkilatının rəhbəri və laborant vəzifələrinə qəbul aparılacaq.
Müsabiqə 3 mərhələdən: sənəd qəbulu, test imtahanı və müsahibədən ibarətdir.
Müsabiqədə iştirak etmək üçün tələb olunan sənədlər:
- kadrlar uçotunun şəxsi vərəqəsi (doldurulmuş şəkildə);
- tərcümeyi-hal (əlyazma şəklində);
- şəxsiyyəti təsdiq edən sənədin surəti;
- əmək kitabçasının surəti;
- təhsil haqqında sənədin surəti;
- 3x4 foto şəkil (2 ədəd).
Namizədlər tələb olunan sənədləri 29 may - 7 iyun 2024-cü il tarixlərində həftənin 1-5-ci günləri saat 10:00-dan 17:00-a kimi Quba-Xaçmaz Regional Təhsil İdarəsinə təqdim etməlidirlər.
