Ölkəmizin şimal sərhəd ərazilərində "Sərhəd-sipər" şərti adı altında kompleks əməliyyat-axtarış və profilaktik tədbirlər davam edir. Bu barədə ShimalNews 17 fevral tarixində məlumat verir.
Tədbirlər Azərbaycan və Rusiya daxili işlər nazirləri (DİN) arasında əldə olunan qarşılıqlı razılaşmaya əsasən keçirilir.
Fevralın 19-na kimi davam edəcək əməliyyatların əsas məqsədi sərhədyanı əməkdaşlıq məsələləri ilə bağlı qəbul edilmiş qərarların yerinə yetirilməsi, transmilli mütəşəkkil cinayətkar dəstələrin və terrorçu təşkilatların üzvlərinin ifşa edilərək zərərsizləşdirilməsi, silah-sursatın, partlayıcı maddələrin və qurğuların, narkotik vasitələrin, eləcə də digər hüquqazidd əməllərin həyata keçirilməsinə yönələn maliyyə və maddi vəsaitlərin daxilolma kanallarının müəyyənləşdirilib qarşısının alınması sahəsində kompleks təşkilati-praktik tədbirlərin icrasından ibarətdir.
DİN əməliyyatın nəticələrini sonda açıqlayacaq.
