Peşə təmayüllü siniflərin aşpaz köməkçisi və dərzi köməkçisi ixtisasları üzrə təhsil alan şagirdlər arasında yarış keçirilib. Bu haqda ShimalNews 25 may tarixində məlumat verir.
Aşpaz köməkçisi ixtisası üzrə yarışa 8 məktəb komandası qatılıb. 1-ci yerə Şabran şəhəri Samir Zülfuqarov adına 3 nömrəli tam orta məktəbin, 2-ci yerə Qusar rayonu Urva kənd tam orta məktəbin, 3-cü yerə isə Xaçmaz rayonu Qımılqışlaq kənd Şəmsəddin Sədiyev adına tam orta məktəbin peşə təmayüllü siniflərinin şagirdləri layiq görülüblər.
Dərzi köməkçisi ixtisası üzrə yarışda 4 məktəb komandası iştirak edib. 1-ci yeri Xaçmaz şəhər Cəfər Cabbarlı adına 6 nömrəli tam orta məktəbin, 2-ci yeri Quba rayonu Alekseyevka kənd Rəhman Məmmədov adına tam orta məktəbin, 3-cu yeri isə Qusar rayonu Hil kənd professor Kərim Kərimov adına tam orta məktəbin şagirdləri tutublar.
