Xaçmaz könüllüləri Xəzər dənizinin Nabran sahillərində ekoloji aksiyada iştirak ediblər. Bu haqda ShimalNews 31 may tarixində məlumat verir.
“Yaşıl dünya naminə həmrəylik ili” çərçivəsində Baş Prokurorluğun təşkilatçılığı ilə kütləvi iməcilik keçirilib. Burada, eləcə də Xaçmaz, Quba, Qusar, Şabran və Siyəzən rayon prokurorluqlarının əməkdaşları, Xaçmaz Rayon İcra Hakimiyyətinin məsul şəxsləri, Quba-Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun əməkdaşları, rayon ictimaiyyəti və könüllü gənclər daxil olmaqla ümumilikdə 100-dən çox şəxs iştirak edib.
Zəruri sanitar ləvazimatlarla təchiz olunmuş aksiya iştirakçıları sahilin 2 km-i boyu ərazini plastik və digər məişət tullantılarından təmizləyib, toplanmış tullantıları aidiyyəti üzrə təhvil veriblər.
