Quba Olimpiya İdman Kompleksində ailəvi (4 nəfərlik) istirahət qazanmaq üçün müsabiqə keçirilir. Bu barədə ShimalNews 3 iyun tarixində məlumat verir.
Gənclər və İdman Nazirliyi (Gİİ) 30 illiyinə həsr olunmuş videoçarx və qısametrajlı film müsabiqəsi elan edib.
Təqdim edilən iş həm gənclər, həm də idman mövzusunu əhatə etməlidir. Filmin minimum müddəti 10 dəqiqə, videoçarx isə maksimum 2 dəqiqə olmalıdır.
Hazırlanan işlər 1 iyul saat 20:00-dək yüksək keyfiyyətdə (HD), “wetransfer” linki ilə [email protected] e-mail ünvanına göndərilməlidir. Müəlliflərin ad, soyad və ata adı, mobil telefon nömrələrini qeyd etmək tövsiyə olunur.
Yekunda münsiflər heyətinin qərarına əsasən, seçiləcək film və videoçarxların müəllifləri mükafatlandırılacaqlar. Qısametrajlı film kateqoriyası üzrə I yerin sahibi 10 günlük, II yerin sahibi 7 günlük, III yerin sahibi isə 5 günlük Quba Olimpiya İdman Kompleksində ailəvi (4 nəfərlik) istirahət qazanacaq. Videoçarx kateqoriyası üzrə isə I yerin sahibi 7 günlük, II yerin sahibi 5 günlük, III yerin sahibi isə 3 günlük Şəki Olimpiya İdman Kompleksində ailəvi (4 nəfərlik) istirahət hüququ qazanacaq.
Əlaqə nömrəsi: 187
