Ekologiya və Təbii Sərvətlər Nazirliyinin Milli Hidrometeorologiya Xidməti havanın necə keçəcəyini proqnozlaşdırıb. Bu barədə ShimalNews 14 noyabr tarixində xəbər verir.
Bu gün İsmayıllı, Siyəzən, Şabran, Xızı, Quba, Xaçmaz, Qusar rayonlarında hava, əsasən, yağmursuz keçəcək. Gecəyə doğru bəzi yerlərdə arabir yağış yağacağı gözlənilir. Ayrı-ayrı yerlərdə leysan olacağı, şimşək çaxacağı, yüksək dağlıq ərazilərdə qar yağacağı ehtimalı var. Gecə və səhər bəzi rayonlarda duman olacaq. Qərb küləyi əsəcək və arabir sürətlənəcək. Havanın temperaturu gecə 5-10°, gündüz 15-19°, dağlarda gecə 3-8°, gündüz 13-18° isti olacaq.
