Daşınmaz Əmlakın Dövlət Kadastrı və Reyestrinin İdarə Heyətinin sədr müavini Fərid Cəfərov Quba, Qusar, Xaçmaz və Şabran rayonlarından olan vətəndaşları qəbul edəcək. Bu barədə ShimalNews 23 yanvar tarixində məlumat verir.
Tədbir Xaçmaz şəhərinin Heydər Əliyev prospekti, 9A ünvanında saat 12:00-da baş tutacaq. Vətəndaşlar daşınmaz əmlakın qeydiyyatı, kadastrı və digər aidiyyəti məsələlərlə bağlı müraciət edə bilərlər.
Qəbula gəlmək istəyənlər 5 saylı Xaçmaz Ərazi İdarəsinə (telefon: 02332-5-00-18, elektron ünvan: [email protected]) müraciət edə bilərlər.
