Quba-Xaçmaz Regional Məşğulluq filialının dəstəyi ilə Quba şəhərində əmək yarmarkası keçiriləcək. Bu barədə ShimalNews 24 aprel tarixində Dövlət Məşğulluq Agentliyinə istinadən məlumat verir.
Vakansiyalar "Macara Club Tourism, Hospitality and Management" MMC tərəfindən təqdim olunacaq. İş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
İştirak etmək istəyənlər aprelin 27-si, saat 11:00-dan 13:00-dək müraciət edə bilərlər. Namizədlərə şəxsiyyət vəsiqələrini təqdim etmək mütləqdir. Onların CV nümunəsi ilə birlikdə gəlmələri arzuolunandır.Ünvan: Quba şəhəri, Qələbə küçəsi, 17 (Quba-Xaçmaz Regional Məşğulluq filialının inzibati binası).
