Şahdağ Milli Parkının dağlıq-meşəlik ərazisində yanğın baş verib. Bu haqda ShimalNews 30 oktyabr tarixində Fövqəladə Hallar Nazirliyinə istinadən məlumat verir.
Hadisə ilə bağlı nazirliyin “112” qaynar telefon xəttinə məlumat daxil olub. Əraziyə Dövlət Yanğından Mühafizə Xidmətinin qüvvələri cəlb olunub. Yanğınsöndürənlər alovun genişlənərək sıx meşəlik əraziyə keçməsinə imkan verilmədən qısa müddətdə söndürüblər.
Yanğın nəticəsində Milli Parkın ərazisində 600 kv.m sahədə xəzəl və ağac qırıntıları yanıb.
[video width="1280" height="720" mp4="https://shimal.news/storage/photos/2023/10/FHN-Matbuat-xidmatinin-malumati_1.mp4"][/video]
