İsmayıllı rayonunda zəlzələdən zərər çəkənlərin evlərinin bərpası üçün dövlət büdcəsindən vəsait ayrılıb. Bu haqda ShimalNews 6 iyun tarixində Modern.az-a istinadən xəbər verir.
"Dövlət büdcəsi tərəfindən ayrılan vəsaitin vaxtında çatması üçün işlər görüləcək. Bununla bağlı müvafiq qurumlar yoxlamalar aparacaq", - deyə Milli Məclisin bu gün keçirilən iclasında maliyyə naziri Samir Şərifov deyib.
İsmayıllı ilə yanaşı, Ağsu və Şamaxıda zərərçəkən evlər təmir ediləcək.
2019-cu ilin dekabrında adıçəkilən rayonlarda 748 ev qəzalı vəziyyətə düşüb, yüzlərlə evə və infrastruktur obyektlərinə müxtəlif dərəcədə ziyan dəyib.
