Quba və Qusarın bəzi ərazilərində sabah qaz təchizatında müvəqqəti fasilə yaranacaq. Bu haqda ShimalNews 11 mart tarixində Azəriqaz İB-yə
istinadən məlumat verir.
12 mart saat 10:00-dan Quba rayonunun 2-ci Nügədi kəndi istiqamətində istismarda olan qaz kəmərinin yeraltı hissəsində aşkar edilmiş qaz sızmalarının ləğvi, Qusar şəhərinin S.Vurğun küçəsi istiqamətində yeni çəkilmiş polietilen qaz xəttinin daşıyıcı kəmərə qoşulması ilə əlaqədar təchizat dayandırılacaq.
Təmir-bərpa işləri aparılan müddətdə Qubanın 18 kəndində, Qusarın rayon mərkəzinin bir hissəsində qaz olmayacaq.
