Qəbələ Səyyar “ASAN xidmət” avtobusu İsmayıllı sakinlərinə xidmət göstərəcək. Bu haqda ShimalNews 2 noyabr tarixində məlumat verir.
Məntəqə 03.11.2023 – 29.11.2023 tarixlərdə Heydər Əliyev prospekti, 55-də (Dövlət Sosial Müdafiə Fondunun İsmayıllı Rayon Şöbəsinin qarşısı), həftə içi saat 10:00-dan 18:00-dək (nahar fasiləsi 14:00-dan 15:00-dək) fəaliyyət göstərəcək.
Burada aşağıda göstərilən imkanlardan yararlanmaq olar:
- Ümumvətəndaş pasportlarının verilməsi və dəyişdirilməsi;
- Şəxsiyyət vəsiqəsinin verilməsi və dəyişdirilməsi;
- Əmək pensiyalarının təyin edilməsi;
- Vətəndaşlıq vəziyyəti aktlarının dövlət qeydiyyatı;
- Notariat fəaliyyəti;
- Daşınmaz əmlakla bağlı əməliyyatların qeydiyyatı.
