Quba-Xaçmaz Regional Təhsil İdarəsinin sabiq müdiri Rüfət Hacıyev və Hesablama Palatasının əməkdaşı İntiqam Hacıyevin məhkəməsi başlayıb. Bu barədə ShimalNews 6 iyul tarixində “Qafqazinfo”ya istinadən məlumat verir.
Sumqayıt Ağır Cinayətlər Məhkəməsində keçirilən iclasda R.Hacıyevin ev dustalqlığına buraxılması istənilib. Nurəddin Hüseynlinin sədrlik etdiyi məhkəmə heyəti vəsatəti rədd edib.
Təqsirləndirilən şəxslərdən biri olan İ.Hacıyev isə sərbəst mühakimə edilir.
Tərəflərin razılığı ilə cinayət işi məhkəmə baxışına verilib. Hakimlər əmək məzuniyyətinə çıxdıqlarına görə, növbəti iclas 3 ay sonraya təyin edilib.
Daha öncə R. Hacıyevin Azərbaycan Respublikasının Cinayət Məcəlləsinin 308,1-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham olunduğu haqda xəbər vermişdik.
