Xaçmazın icra başçısı Elnur Rzayev Əbilyataqda vətəndaşlarla görüşüb. Bu barədə ShimalNews 19 aprel tarixində RİH-yə istinadən məlumat verir.
Qəbulda yerli hüquq mühafizə orqanlarının rəhbərləri və xidmət təşkilatlarının məsul şəxsləri ilə birlikdə Niyazoba, Qarabağlı, Ağçay və Qarğalıq kəndlərinin sakinləri də iştirak ediblər.
Yerli əhali elektrik təsərrüfatının yenilənməsi, suvarma suyu ilə təchizatın yaxşılaşdırılması, yeni marşrut xəttinin açılması, rabitə və internetlə bağlı müraciətlər səsləndiriblər.
Elnur Rzayev kənd sakinlərinin arzu və təkliflərini dinləyərək, onları narahat edən məsələlərin aradan qaldırılması istiqamətində müvafiq tapşırıqlarını verib.
