Xaçmazın icra başçısı Elnur Rzayev Pirquluoba kəndində sakinlərin səyyar qəbulunu keçirib. Bu barədə ShimalNews 22 fevral tarixində məlumat verir.
Görüşdə Pirquluoba, Qoçaqqazma, Hacıməmmədoba və Yeni Sudur kəndlərinin sakinləri iştirak ediblər. Onlar daxili yolların təmiri, təbii qazın təzyiqinin artırılması, suvarma kanallarının təmizlənməsi, elektrik təsərrüfatının yenilənməsi, məktəb binasının təmiri və digər müraciətlər səsləndiriblər.
İcra başçısı sakinlərin müraciətlərinin həlli məqsədilə aidiyyəti şəxslərə tapşırıqlar verib.
