Quba Rayon İcra Hakimiyyətinin təşkilatçılığı ilə iftar süfrəsi açılıb. Bu barədə ShimalNews 14 aprel tarixində RİH-yə istinadən məlumat verir.
Tədbir ramazan ayı münasibətilə aprelin 13-ü “Nərgiz Plaza” şadlıq sarayında keçirilib. Mərasimdə icra başçısı Ziyəddin Əliyev, rayonun hüquq-mühafizə orqanlarının rəhbərləri, digər məsul şəxslər, rayon ictimaiyyətinin nümayəndələri, din xadimləri, şəhid ailələri, qazilər və aztəminatlı şəxslər iştirak ediblər.
