Qusar rayonunda Vətən müharibəsi şəhidi Tural Əhmədovun anım mərasimi keçirilib.
Shimal.News xəbər verir ki, mərasimdə icra başçısı Sahir Məmmədxanov, şəhid ailələrinin üzvləri və qazilər iştirak ediblər.
Əvvəlcə şəhidin məzarı ziyarət edilib, onun üzərinə gül dəstələri düzülüb, qəhrəmanımızın xatirəsi ehtiramla yad edilib. Daha sonra tədbir iştirakçıları şəhidin doğulub boya-başa çatdığı evində verilən ehsan süfrəsində iştirak edib, ailəsinə dərin hüznlə başsağlığı veriblər.
Tural Əhmədov müharibə zamanı Xocavəndin və Füzulinin azadlığı uğrunda gedən döyüşlərdə savaşıb, oktyabrın 23-də Füzuli döyüşləri zamanı şəhid olub. Ölümündən sonra “Cəsur döyüşçü medalı”, “Vətən uğrunda medalı”, “Füzulinin azad olunmasına görə medalı”, “Kəlbəcərin azad olunmasına görə medalı”, “Azərbaycan bayrağı” ordeni ilə təltif olunub.
