Qusarda kirayə qaldığı evi və işlədiyi obyekti talayan şəxs saxlanılıb. Bu barədə ShimalNews 8 fevral tarixində Daxili İşlər Nazirliyinin Mətbuat Xidmətinə istinadən məlumat verir.
Polis əməkdaşları əməliyyat-axtarış tədbirləri keçiriblər. Nəticədə Xaçmaz rayon sakini Ramazan Əliyev tutulub. O, ayrı-ayrı vaxtlarda kirayə qaldığı evdən və işlədiyi obyektdən soyuducu, televizor və pul oğurlamaqla zərərçəkmişlərə ümumilikdə 1512 (min beş yüz on iki) manat ziyan vurub.
Faktlarla bağlı cinayət işi başlanılıb və məhkəmənin qərarı ilə Ramazan Əliyevin barəsində polisin nəzarəti altına vermə qətimkan tədbiri seçilib.
