Qusarda RİHB Aparatının əməkdaşları, hüquq-mühafizə orqanlarının, bir sıra idarə və müəssisələrinin rəhbərləri sakinlərlə görüşdə iştirak ediblər. Bu barədə ShimalNews 24 aprel tarixində məlumat verir.
Xürəl kəndində səyyar qəbul keçirilib. Sakinlər yay aylarında içməli və suvarma suya olan tələbatın ödənilməsi üçün kənddə su anbarının tikilməsi, taxıl sahələrinə kombayn və digər kənd təsərrüfatı texnikasının rahat gediş-gəlişini təmin etmək üçün yolda təmir və budama işlərinin aparılması, elektrik dirəklərinin və naqillərinin yeniləri ilə əvəz olunması, istifadə edilmiş elektrik enerjisinin sərfi barədə bildirişlərin ayda bir dəfə olaraq abonentlərə paylanması, yeni inşa olunmuş Qusar-Avaran-Xürəl avtomobil yolunda qoruyucu baryerlərin quraşdırılması, kənd yollarının hamarlanması və digər məsələlərin həllinə köməklik göstərilməsini xahiş ediblər.
Vətəndaşlar tərəfindən qaldırılan məsələlər dinlənilmiş, onlara dair müvafiq izahat verilmiş, bəzilərinin həlli üçün əlaqədar idarə və təşkilat rəhbərlərinə tapşırıqlar verilmişdir.
