Qusarda şəhid ailələri və qazilərlə görüş baş tutub. Bu haqda ShimalNews 6 mart tarixində məlumat verir.
Rayon İcra Hakimiyyətinin başçısı Şair Alxasovun 8 Mart və Novruz bayramı ərəfəsində sakinlərlə keçirdiyi görüşdə hüquq-mühafizə orqanlarının, regional və yerli xidmət təşkilatlarının rəhbərləri iştirak ediblər.
Tədbir çərçivəsində şəhid anaları Beynəlxalq Qadınlar Günü münasibətilə, şəhid ailə üzvləri və qazilər Novruz bayramı münasibətilə təbrik ediliblər, onlara ən xoş arzu-diləklər ifadə edilib. Daha sonra qonaqları narahat edən problemlər müzakirə edilib. Şair Alxasov görüşdə qaldırılan kənddaxili yolların təmiri, əkin sahəsi ilə bağlı məsələlərin, eləcə də digər sosial-məişət problemlərinin həlli ilə bağlı aidiyyəti şəxslərə tapşırıqlarını verib.
