Qusar rayonunun Ukur kənd sakinləri onları narahat edən məsələləri İcra Hakimiyyətində qəbul zamanı səsləndiriblər. Bu haqda ShimalNews 16 fevral tarixində məlumat verir.
Görüşdə rayonun İcra Hakimiyyəti, hüquq-mühafizə orqanlarının və bir sıra idarə və müəssisələrinin rəhbərləri iştirak ediblər.
Vətəndaşlar kəndin qazlaşdırılması, istismara yararsız elektrik və rabitə xətlərinin yeniləri ilə əvəz olunması, çay məcralarından tikinti materialı kimi daş və çınqılın götürülməsi, həmçinin örüş sahələrinin kol-kosdan təmizlənməsi üçün Ekologiya və Təbii Sərvətlər Nazirliyindən müvafiq razılığın alınması, taxıl biçini zamanı dağ relyefinə uyğun kombayn texnikası ilə təmin olunması, fermerlərə subsidiyaların ayrılması, yay aylarında yaranan içməli su qıtlığının aradan qaldırılması və digər məsələlərin həllinə köməklik göstərilməsini xahiş ediblər.
Qaldırılan məsələlər üzrə müvafiq izahatlar verilib, bəzilərinin həlli ilə əlaqədar idarə və təşkilat rəhbərləri tapşırıqlar alıblar.
