Qusar rayonunun Mucuq kənd sakinləri onları narahat edən məsələləri icra hakimiyyətinin qəbulunda səsləndiriblər. Bu haqda ShimalNews14 fevral tarixində məlumat verir.
Görüşdə rayonun İcra Hakimiyyəti, hüquq-mühafizə orqanlarının və bir sıra idarə və müəssisələrinin rəhbərləri iştirak ediblər.
Vətəndaşlar 70-ci illərdə tikilmiş məktəb binasının əsaslı təmir olunması, istismara yararsız elektrik və rabitə xətlərinin yeniləri ilə əvəz edilməsi, kənddaxili küçələrin təmiri, fərdi evlərin qazlaşdırılması, vətəndaşlara məxsus pay torpaq sahələrinin sərhədlərinin dəqiqləşdirilməsi, əkin sahələrinin suvarılmasında yaranan çətinliklərin və taxıl biçini zamanı kombayn çatışmazlığın aradan qaldırılması və digər məsələlərin həllinə köməklik göstərilməsi ilə bağlı müraciətlər ediblər.
Qaldırılan məsələlər üzrə müvafiq izahatlar verilib, bəzilərinin həlli ilə əlaqədar idarə və təşkilat rəhbərləri tapşırıqlar alıblar.
