Qusar rayonunun Gican kəndində sakinləri narahat edən məsələlər dinlənilib. Bu barədə ShimalNews 9 mart tarixində məlumat verir.
Qəbulda kənd sakinləri ilə yanaşı, RİHB Aparatının əməkdaşları, hüquq-mühafizə orqanlarının, bir sıra idarə və müəssisələrin rəhbərləri də iştirak ediblər.
Müraciətlər kəndin qazlaşdırılması, qəzalı vəziyyətdə olan elektrik dirəklərinin yeniləri ilə əvəz olunması və Düztahir kəndində quraşdırılmış elektrik yağ açarının Gican kəndi ərazisində quraşdırılması, kəndin sürətli internetlə təmin olunması, məktəb həyətindəki istinad divarının təmiri, kənd yollarının hamarlanması, işlə təminat və digər məsələlərin həllinə köməklik göstərilməsi ilə bağlı olub.
