Qusar Rayon İcra Hakimiyyətinin (RİH) başçısı Şair Alxasov sakinlərlə səyyar görüş keçirib. Bu barədə ShimalNews 6 mart tarixində məlumat verir.
Tədbir Düztahir kəndində keçirilib. Bu zaman qazlaşdırılma, qəzalı vəziyyətdə olan elektrik və rabitə dirəklərinin yenilənməsi, tibb məntəqəsinə həkimin təyin edilməsi, məktəb binasının damının təmiri, yolların hamarlanması və digər məsələlərin həllinə köməklik göstərilməsi xahiş edilib.
Qaldırılan bir sıra məsələlərə müvafiq izahat verilib, digərlərinin həlli üçün idarə və təşkilat rəhbərlərinə tapşırıqlar verilib.
