Qusar turistlərin ən çox üz tutduğu bölgələr sırasında ilk 5-likdə yer alır. Bu haqda ShimalNews 16 noyabr tarixində “Apa TV”yə istinadən məlumat verir.
Böyük turizm marşrutuna malik olan bu rayona hər ay minlərlə qonaq gəlir, onların böyük hissəsi əcnəbilərdir. Rayon sakinləri turistlərlə rahat ünsiyyət qura bilirlər, əsasən, gənclər ingilis dilini yaxşı bilirlər. Bundan əlavə, ən azı 3 dildə danışırlar.
Rayon ərazisində yerləşən hotellərdə, istirahət mərkəzlərində personalı işə qəbul edərkən ingilis dili üstünlük hesab edilir. Elə kiçik restoranlarda çalışan əməkdaşlar da əcnəbi qonaqlarla ünsiyyət qura-qura dili öyrənməyə çalışırlar.
Cari ilin yanvar - oktyabr ayları ərzində Azərbaycana 1 milyon 724 min 218 nəfər əcnəbi səfər edib. Bu da ötən ilin eyni dövrü ilə müqayisədə 30 % artım deməkdir. Əcnəbilərin Qusara üz tutması gənclərin xarici dillərə maraq göstərməsində əsas rol oynayıb.
