Qusarda Narkomaniya və Narkobiznesə qarşı Beynəlxalq Mübarizə Günü ilə əlaqədar tədbir keçirilib. Bu haqda ShimalNews 27 iyun tarixində məlumat verir.
YAP-nin inzibati binasında təşkil edilən tədbirdə İcra Hakimiyyətinin şöbə müdiri Telman Kazımov, Qusar rayon Prokurorunun köməkçisi, 1-ci dərəcəli hüquqşünas Kamal Həbibov, Qusar rayon Polis Şöbəsinin Narkotiklərlə mübarizə qrupunun əməliyyat müvəkkili Emil Mirzəliyev, Qusar rayonu üzrə gənclər və idman sektorunun əməkdaşı Ramin Məcidov iştirak ediblər. Qonaqlar mövzu ilə bağlı ətraflı çıxış edib, müzakirələr aparıblar.
Toplantı Quba-Xaçmaz Regional Gənclər və İdman İdarəsinin Qusar rayonu üzrə gənclər və idman sektorunun və Qusar Rayon İcra Hakimiyyətinin birgə təşkilatçılığı ilə baş tutub.
