Qusar polisi məktəblilərlə görüşüb. Bu haqda ShimalNews 26 yanvar tarixində Daxili İşlər Nazirliyinin Mətbuat Xidmətinə istinadən məlumat verir.
Tədbir Aşağı Ləgər kənd tam orta məktəbində keçirilib. Burada polis əməkdaşları, məktəbin pedaqoji heyəti, eləcə də yuxarı sinif şagirdləri iştirak ediblər.
Polkovnik-leytenant Emin Kərimov Polis Akademiyası barədə şagirdlərə ətraflı məlumat verib və fəaliyyətindən danışıb.
Daha sonra baş inspektor Ramik Nəzərov “Narkomaniyaya yox deyək” mövzusunda çıxış edib. O, narkotik vasitələrin insanlar üçün yaratdığı problemlərdən danışıb və narkomaniyanın cəmiyyətin bəlası olduğunu qeyd edib.
Digər çıxış edən inspektor Ülviyyə Çingizzadə məktəblilərə dövlət və dövlətçilikdən bəhs edərək, onlara sağlam gələcək naminə təhsillərinə daha çox diqqət ayırmalı olduqlarını bildirib.
Yekunda mövzular ətrafında məktəblilərin sualları cavablandırılıb.
