Quba rayonunda növbəti təhsil ocağı inşa edilib. Bu haqda ShimalNews 3 avqust tarixində məlumat verir.
Artıq 128 şagirdin təhsil ala biləcəyi Dəyanət İsmayılov adına Çiçi kənd tam orta məktəbinin binası quraşdırılıb. Hazırda binada son tamamlama və daxili tərtibat işləri həyata keçirilir.
İcra başçısı İlqar Mahmudov aidiyyəti şəxslərlə birlikdə inşaat işləri ilə yerində tanış olub. Burada 9 sinif otağı və 1 müəllimlər otağı, müasir avadanlıqlar və mərkəzləşdirilmiş istilik sistemi, həyətində isə idman qurğuları və meydança olacaq.
