İş adamı Qod Nisanov “Dostluq” ordeninə layiq görülüb. ShimalNews bu barədə 2 mart tarixində xəbər verir.
Əslən Qubadan olan rusiyalı iş adamının mükafatını Azərbaycanın Rusiyadakı səfiri Polad Bülbüloğlu təqdim edib.
Tədbirdə çıxış edən P. Bülbüloğlu Rusiyadakı diasporumuzun mühüm rolunu qeyd edib:
“Fəxr edirik ki, Azərbaycandan olan insanlar Vətənimizi layiqincə təmsil edirlər. Biz sizin uğurunuzdan çox razıyıq və sizə daha böyük uğurlar arzulayırıq”.
Q. Nisanov isə mükafatın təkcə ona deyil, bütün azərbaycanlılara məxsus olduğunu bildirib:
“Dostluq” ordeni mənim üçün simvolikdir. Bu, təkcə mənim deyil, Azərbaycanı dəstəkləyən bütün soydaşlarımın mükafatıdır. Azərbaycan bizim bir parçamızdır, həyatımızın bir parçasıdır. Harada olsaq da, taleyimiz Azərbaycanla bağlıdır”.
Xatırladaq ki, Azərbaycan Prezidenti İlham Əliyev bir müddət əvvəl Azərbaycan diasporunun inkişafındakı xidmətlərinə görə Qod Nisanovun təltifi ilə bağlı Sərəncam imzalayıb.
