Qubalı idmançı Elvin Müzəffərov Rusiyada keçirilən yarışda yeni zirvələri fəth edib. Bu barədə ShimalNews 19 dekabr tarixində məlumat verir.
Suzdal bölgəsində 14-18 dekabr tarixlərində pauerliftinq üzrə Dünya çempionatı keçirilib. Burada Elvin Müzəffərov 67 kq çəkidə “Squat” - 227.5 kq (dünya rekordu), “Bench press” - 147.5 kq (şəxsi rekord), “Deadlift” - 250 kq hərəkətlərində ümumilikdə 625 kq (dünya rekordu) nəticə göstərib.
“Allah sizi daim var eləsin! Sizin dəstəyinizlə gəldik çıxdıq bu yerə, bu uğuru qazandıq. Kimlərəsə asan gələ bilər, amma qıraqdan… Bu işin içində olanlar bilir bu işin çətinliyini. Yaxınlarım bilir, nə çətinliklərlə gəlib çıxdığımı bu yerə. Nə isə, uzun yazıb yormaq istəmirəm sizi, Allah hər birinizdən razı olsun, çox sağolun, var olun. İnşAllah daha böyük uğurlara birlikdə. Uğurum uğurunuzdur”, - deyə Elvin bildirib.
