Quba məktəbliləri və onların valideynləri onlayn təhdid və təhlükələr barədə, həmçinin onlarla mübarizə yolları haqqında məlumatlar əldə ediblər. Bu barədə ShimalNews 15 fevral tarixində məlumat verir.
“Təhlükəsiz internet” layihəsi çərçivəsində “Azercell” mobil operatoru maarifləndirici dərslər təşkil edib. İştirakçılar aşağıdakı mövzularla tanış olurlar:
- virtual tanışların yoxlanılması;
- şəxsi məlumatların sosial şəbəkələrdə istifadəsi və qorunması;
- şəxsi məlumatların daxil edilməsini tələb edən müsabiqələrdə iştirakdan imtina;
- şəbəkədə fırıldaqçıların və cinayətkarların əsas hiylələri;
- trollinq, kiberbullinq (onlayn qısnama) və ya qeyri-münasib onlayn davranış hallarında kimə və ya hara müraciət etmək.
Dərslər “GID CSR Consulting” QHT-nin peşəkar təlimçiləri tərəfindən aparılır. “Təhlükəsiz internet” layihəsində 300-dən çox şagird və 100-dən çox valideynin iştirakı nəzərdə tutulub.
