Quba rayonunda yerləşən "Uniplastic" MMC barəsində inzibati xəta protokolu tərtib olunub. Bu haqda ShimalNews 11 iyun tarixində məlumat verir.
Qanun pozuntusu məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilməməsi ilə əlaqədardır.
Protokol İnzibati Xətalar Məcəlləsinin 528.1-ci maddəsilə tərtib olunub. Ona əsasən, fiziki şəxslər 500 manatdan 1.000 manatadək, vəzifəli şəxslər 1.200 manatdan 2.500 manatadək, hüquqi şəxslər 3.000 manatdan 5.000 manatadək məbləğdə cərimə edilir. Eləcə də 1 ayadək müddətə inzibati həbs tətbiq olunur.
İşə Quba Rayon Məhkəməsində baxılacaq.
