Quba rayonunda 31 yaşlı Elçin intim münasibətdə olduğu Səbinəni (adlar şərti verilib) şantaj edib. Bu haqda ShimalNews 6 iyun tarixində “Teleqraf.com”a istinadən məlumat verir.
Adı hallanan şəxslər 2020-ci ildə tanış olublar. Elçin Səbinəyə onunla cinsi əlaqədə olması və narkotik qəbul etməsini mobil telefonla gizlincə çəkdiyini bildirib.
Qadını rüsvayedici məlumatları yayma hədəsi ilə 16 mart 2021-ci ilədək olan müddət ərzində şantaj edərək, müxtəlif günlərdə ondan 8.000 manat məbləğində pul alıb.
Cinayət işinə Sumqayıt Ağır Cinayətlər Məhkəməsində baxılıb və Elçin 8 il azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi qərarı verilib.
