Quba Olimpiya İdman Kompleksində II Çoxtərəfli Gənclik Mübadilə Proqramı təşkil ediləcək. Bu haqda ShimalNews 16 yanvar tarixində məlumat verir.
"İdmanda birləşək" mövzusunda keçirilən tədbir fevralın 4-dən 10-dək davam edəcək. Bu zaman gənclər üçün təşkil olunacaq məşğuliyyətləri təqdim edirik:
- idmanın fiziki, psixoloji, siyasi və iqtisadi aspektləri üzrə müzakirələrdə iştirak;
- təcrübəli ekspertlər və məruzəçilərlə fikir mübadiləsi;
- idman yarışları və mədəni fəaliyyətlər;
- şəbəkələşmə və əməkdaşlıq üçün unikal imkanlar;
- nəqliyyat, yerləşmə və gündə 3 dəfə qidalanma;
- ekskursiya.
Proqrama yanvarın 21-dək qoşulmaq mümkün olacaq.
